يبدو ان العالم على وشك الانهيار
الازمة المالية العالمية مسترة .... بالبلدى كده "الدول الكبيرة فلست" وبالطبع ستعود اغلب الآثار المدمرة لتلك الازمة على الشعوب الفقيرة. عندما نزداد فقرا يزيدوا هم غناءاً والباتالى يمكنهم الخروج من تلك الازمة. لو فكرنا بدماغ المواطن العادى يبقى لو فى ازمة عندك ومحتاج فلوس بسرعه هتشتغل جامد وتبيع حاجات كانت عندك وبكده تقدر تجمع اكبر قدر من المال بسرعه لتخرج من الازمة
وإذا علمنا ان اى عمل في اوروبا وامريكا يعتمد بصورة او بأخرى على بترولنا بل والاكثر ان حياتك البارده ستزداد برودا وتكون مدمرة لو لم يحصلوا على بترولنا فكان من الضرورى ان نستغل ذلك الموقف بكل السبل. إذا خفضت اوبك انتاجها وخفضت الاسعار كان من الضرورى الانسحاب من تلك المنظمة اللتى تعمل لحسابهم وليس لحسابنا. كان من الضرورى جدا ان نلحق الضرر بالغرب عموما عن طريق احتياجهم لبترولنا
هذه الازمة جائب للحكومة بفرصة ذهبية لاسترداد الاموال المهربية للخارج عن طريق تأمينها في مصر واجبارها على الاستثمار مع دفع الضرائب وبكده تكون الحكومة اخدت نص الفلوس اللى هربت والنص التانى بقي استثمار في البلد وفي نفس الوقت ضربنا جزء كانت تعتمد عليه الحكومات الغربية للخروج من الازمة ..... وكالعادة لم تفكر حكومتنا في هذا فهى تعجز عن التفكير بمنطق المواطن العادى ولانها اثبت انها فاشلة وانها غير قادرة على تحمل المسئوليات من بدايه حكمها ولانها لم تستغل الفرصة اللتى لن تتعوض ابدا فبالتالى تزداد امورنا الداخلية سوءاً على سوءها .... فنزداد فقرا وجوعا وجهلا ومرضا وتزداد الجريمة والمخدرات والاغتصاب وتزداد الداخلية في تعنتها ويزداد بطشها ...... كل تلك المشكلات يمكن حلها فقط اقتصاديا وليس لها حل اخر
عندما يخرج بطرس غالى وزير المالية في تصريح اشبه بكلام محمد سعد في فيلم الليمبي ويقول اننا نستغل الازمة واحنا في امان ..... يبقى فاضل يقولنا اوعوا تفتكروا ان الازمة اثرت علينا ... بالعكس ... ابسولوتلى ... احنا اللى اثرنا على الازمة
لكى الله يا مصر
