الكابتن المدير
الجنس : عدد المساهمات : 937 البلد : مصر تاريخ التسجيل : 24/10/2008
| موضوع: من كلمات عبد الوهاب محمد غنت ام كلثوم أسأل روحك الجمعة أكتوبر 31, 2008 1:02 am | |
| من كلمات عبد الوهاب محمد غنت ام كلثوم أسأل روحك
اسأل روحك
اسأل قلبك
قبل ما تسأل إيه غيرني
أنا غيرني عذابي في حبك
بعد ما كان أملي مصبرني
غدرك بيا .. أثر فيا
واتغيرت شوية شوية
اتغيرت ومش بايديا
وبديت أطوي حنيني إليك
وأكره ضعفي وصبري عليك
واخترت أبعد ، وعرفت أعند
حتى الهجر قدرت عليه
شوف القسوة بتعمل إيه
كنت زمان بالاقيك في حناني
بحر محبة وبر أمان
كنت باحس إن انت زماني
يومي وبكرة وبعده كمان
كنت باشوفك بعيون حبي
وانت بعيد أو وانت في قربي
أقرب من بسمتي لشفايفي
أقرب من إحساسي لقلبي
بعد الود اللي راعيتهولك
بعد الحب اللي وهبتولك
بعد العمر اللي انا عشتولك
في ايه تاني أقدمهولك ؟
غدرك بيا .. أثر فيا
واتغيرت شوية شوية
اتغيرت ومش بايديا
وبديت أطوي حنيني إليك
وأكره ضعفي وصبري عليك
واخترت أبعد ، وعرفت أعند
حتى الهجر قدرت عليه
شوف القسوة بتعمل إيه
أنا ما نستش الحب وعهده
ولا أيامه ولا لياليه
أما إن كان ع الحب لوحده
من غير هجرك ؛ أهلاً بيه
أنا حيرني هواك
وأنا علشان أنساك
بابعد عن كل مكان
روحته ولو مرة معاك
وأهرب من أقرب ناس
يعرفوا قصتي وياك
وباغير أي كلام
بيجيب سيرة لذكراك
وصلتني للحال ده بإيدك
بعد ما كانت روحي بإيدك
سبتك ومفيش حد في عمري
يشغل بعدك قلبي وفكري
سبتك من غير حتى ما أفكر
حأقدر أسيبك أو مش حأقدر
غدرك بيا .. أثر فيا
واتغيرت شوية شوية
اتغيرت ومش بايديا
وبديت أطوي حنيني إليك
وأكره ضعفي وصبري عليك
واخترت أبعد ، وعرفت أعند
حتى الهجر قدرت عليه
شوف القسوة بتعمل إيه
اسأل روحك
اسأل قلبك
قبل ده كله اتغيروا ليه ؟
أنا غيرني عذابي في حبك
لكن انت غيرك إيه ؟
هو حناني عليك قساك
حتى عليا ؟
ولا رضايا كمان خلاك
تلعب بيا ؟
ولا تسامح روحي معاك
غرّك بيا ؟
أنا ياحبيبي صحيح باتسامح
إلا في عزة نفسي وحبي
واما يفيض بي ما باعرف أصالح
واعرف أجي كتير على قلبي
غدرك بيا .. أثر فيا
واتغيرت شوية شوية
اتغيرت ومش بايديا
وبديت أطوي حنيني إليك
وأكره ضعفي وصبري عليك
واخترت أبعد ، وعرفت أعند
حتى الهجر قدرت عليه
شوف القسوة بتعمل إيه
وإنت يا عيني
لو في مكاني
كنت هتعمل غير كده إيه ؟
اسأل روحك | |
|
نسر صاحب نشيط
الجنس : عدد المساهمات : 56 البلد : مصر ـ القاهره تاريخ التسجيل : 17/11/2008 الابراج :
| موضوع: رد: من كلمات عبد الوهاب محمد غنت ام كلثوم أسأل روحك الجمعة نوفمبر 21, 2008 5:13 pm | |
| [quote="الكابتن"] من كلمات عبد الوهاب محمد غنت ام كلثوم أسأل روحك أنا حيرني هواك
وأنا علشان أنساك
بابعد عن كل مكان
روحته ولو مرة معاك
وأهرب من أقرب ناس
يعرفوا قصتي وياك
وباغير أي كلام
بيجيب سيرة لذكراك
وصلتني للحال ده بإيدك
بعد ما كانت روحي بإيدك
سبتك ومفيش حد في عمري
يشغل بعدك قلبي وفكري
سبتك من غير حتى ما أفكر
حأقدر أسيبك أو مش حأقدر
========================== [size=24]
ده بقى اللى بالعاميه ويتفوق ع الميه الميه أنا عن نفسى أديله 1000% نسر | |
|