من كلمات عبد الفتاح مصطفى غنت ام كلثوم أقولك ايه عن الشوق يا حبيبى

من كلمات عبد الفتاح مصطفى غنت ام كلثوم أقولك ايه عن الشوق يا حبيبى

أقولك ايه عن الشوق
يا حبيبي
أقولك ايه
ومين غيرك داري بي
ليالي في هواك
اسهر وافكر
ومهما قلت لك
في القلب اكتر
شوية اني اقول لك
يا حبيبي
يا ريت فيه كلمةاكتر
من حبيبي

اقولك ايه
وايه يوصف هوايا
وانا ف قلبي كلام
مالوش نهايه
دي أجمل كلمة
في الدنيا حبيبي
بقولها لك وبرضه
مش كفاية
ما قولش مناي كان حبك
ده أكثر من اللي بتمناه
وم الفرحة وانا جنبك
باعيش في كل لحظة حياة
وقلبي نعيمة ف قربك
وانت فرحته ودنياه
واقول لك ايه
شوية اني اقولك
يا حبيبي
يا ريت فيه كلمة اكثر
من حبيبي

هواك هوه اللي خلا
العمر غالي
وبالثانية أحسبه
مش بالليالي
وأخاف أسرح
تفوتني لمحه منك
وم الدنيا
اللي اجمل من خيالي
هواك نسى الزمان طبعه
وخذ منه الأمان لينا
وداري عننا دمعه
وخلاه ما دري بينا
ونور للأمل شمعة
وطمن بيه ليالينا
واقول لك ايه
شوية اني اقولك
يا حبيبي
يا ريت فيه كلمة اكتر
من حبيبي

وعودك في الخيال
غالية علي
وأجمل من حقيقة
بين ايديه
واصدق كل كلمة قلتهالي
واكذب في هواك
ظني وعني
يا ريت في كلمة
أوصف بيها حبك
واقولها لك
ما بين قلبي وقلبك
ما يقدرش الكلام
يوصف غرامي
ولا أشواقي
في بعدك وقربك
واقولك إيه
شوية اني اقولك
يا حبيبي
يا ريت فيه كلمة اكتر
من حبيبي

الكابتن كتب:: من كلمات عبد الفتاح مصطفى غنت ام كلثوم أقولك ايه عن الشوق يا حبيبى

هواك هوه اللي خلا العمر غالى بالثانية أحسبه مش بالليالي
وأخاف أسرح تفوتني لمحه منك وم الدنيا
اللى أجمل من خيالى
=========================

؟؟أيه الكلام الجميل قوى ده يا كابتن

ألف شكر ع الحاجات الحلوه دى

نسر

ياريت فى كلمه أكتر من "شكرا"

» من كلمات احمد رامى غنت ام كلثوم اصون كرامتى
» من كلمات الهادئ احمد غنت ام كلثوم أغدا القاك
» من كلمات عبد الوهاب محمد غنت ام كلثوم أسأل روحك
» من كلمات ابى فراس الحمدانى غنت ام كلثوم أراك عاصى الدمع
» غنت ام كلثوم من كلمات مأمون الشناوى بعيد عنك حياتى عذاب