كلام بنات

موضوع: كلام بنات الأربعاء نوفمبر 26, 2008 11:28 pm

بيقولوا كلام بنات

كلام بنات.. كلام بنات.. كلام بنات
وهو ايه كلام البنات؟ ان البنت تقول على فلان شكله يهوس؟ ولا انها تناقش الموضة مع خلق ربنا.. ولا انها تشوف الميك أب وتسريحة الشعر بتاعة فلانة وترتانة ازاى؟؟ ولا تفتكروا كلام البنات النم على غيرها.. ولا ايه رايكم فى كلام البنات المعيطة؟
ايه رأيكم فى البنات اللى من غلبها خلص كلامها عشان كل ذنبها انها بنت..

بتوجع.. ولا أقول كمان؟

أقول كمان..

هى حدوتة ملتوتة لواحدة بنت.. عندها حفنة سنين يا دوب شيلاهم فى كفها .. من صغرها وكان عندها أحلام.. حلمت مرة بالفارس المغوار.. وفاقت لما عرفت ان مافيش فى زمانها فرسان.. وحلمت زمان ببيت صغير.. وفاقت لما عرفت ان تمن البيوت غالى .. وعليها وعلى ابن الحلال يكافحوا يجيبوا شقة محندقة تلمهم... كان عندها حلم تلاقى فيه نفسها.. ولقت الدنيا دوامة كبييرة.. تاخدها لحت ولتحت تانى لحد ما تتخنق.. يااااه.. حلمت كمان بحضن يسمعها لما تتمنى حد يسمعها.. لكنها لقيته قدمها جامد جاحد.. ظالم وقاسى.. وخلاها تبات ليلها معيطة

فتحت عينيها وسط سنينها ودورت على كلامها.. لقيته وسط أحلامها اتسرسب من غير ما تحس

» كلام بنات حواء عن الرجال
» احلى كلام كلام الله
» احلي كلام في الحب
» عماد بعرور ........ وابور الجاز ........ من فيلم اخر كلام ...على من منتدى اصحاب
» بنات عسل بس