غنى عبد الحليم لمرسى جميل عزيز يا خلى القلب

غنى عبد الحليم لمرسى جميل عزيز يا خلى القلب

يا خلى القلب

يا خلي القلب يا حبيبي .. لو فى قلبك قد قلبي حب يا حبيبي
لو بتكوي النار نهارك .. لو بتسهر زى ليلي
لو صحيح بتحب .. كنا نحضن حبنا ونبعد بعيد
عن عيون الدنيا .. عن كل العيون
لو في قلبك قد قلبى حب.. كنا نمشي نمشي ألف ليلة وليلة
ليل ونهار لما نوصل .. نجمة ما لهاش أي جار
وإلا نسكن لؤلؤة .. فى أبعد بحار يا حبيبي
القمر القمر خدنا على موجة قمر .. فوق الصحاري والسما
والبحر والليل والوجود .. فوق عيون الناس فوق جبال الشوق
وفوق كل الحدود القمر خدنا .. لجزيرة أبعد من الخيال
لا شافتها عين ولا خطرت ببال .. يا حبيبي وصلنا فوق بر الأمان
افتح البيبان لقلبك .. ولشبابك ولحبيبك
أبعد الخوف عن رموشك .. أوعى شئ فى الكون يحوشك
غني ارقص اجري اجري .. اجري إضحك قول بحبك
وانسى كل الدنيا .. إلا عيوني عيون حبيبك
ما تشوفكش عيون يا حبيبي ..
شفت وخداني الأماني لحد فين .. شفت بحلم بحلم قد إيه
يرضيك نحب الحب ده .. ونعيش بعاد بالشكل ده
عايز أحس بحب مالي .. كل لمحة من وجودك
عايز أحس إني ابتسامتك دمعتك .. فرحة شبابك لون خدودك
عايز أحس إني حبيبك .. ولهيبى يصحي لهيبك
يا حبيبي رجعنا فوق بر الأمان..
افتح البيبان لقلبك ولشبابك ولحبيبك ..
أبعد الخوف عن رموشك .. أوعى شئ فى الكون يحوشك
غني ارقص اجري اضحك .. غير عيوني عيون حبيبك
ما تشوفكش عيون .. يا حبيبي

» غنى عبد الحليم فى يوم فى شهر فى سنة تهدى الجراح لمرسى جميل عزيز
» غنى عبد الحليم حافظ لمرسى جميل عزيز كامل الاوصاف
» غنت صباح لمرسى جميل عزيز يا نا يا نا
» غنى عبد الوهاب من غير ليه لمرسى جميل عزيز
» غنى فريد الاطرش لمرسى جميل عزيز نورا